الأربعاء، 8 فبراير 2012

~ الحقـيـقـة اسـمـ ( بــا ســل )ــــهـــا ~







(6)



عاد محمد الي القاهرة ،مساء الخميس الموافق 2/2/2012،
المشهد الابرز الاعتصامات والاحتجاجات يغذيها الم شديد علي من قتلوا خلال احداث المباراة ،،كل شئ في المدينة يذكره بتلك الليله....


تأتي لحظاته الاخيرة مع باسل وكأنها مشهد سينمائي...تراجيدي
،لكنه لم يحب  التراجيديا يوماا..

يعلن الحكم صافرة انتهاء المباراة ،يفوز  "فريق المصري" ...

يقول محمد لباسل وهويضحك :
(هههههههه ..خيرها ف غيرها (:  ، والدعاء دة من ورا قلبي ع فكرة...يا بني مانا قولتلك غيّر نااديك مسمعتش كلاامي!! )


يرد باسل مازحا :
(هههههه الزمالك مش بتاع بطولات....خليك انت ف ناديك وانا ف الاهلي زي مانا ونفضل اصحااب وحبايب....تغلط ف الاهلي معرفكش...وبعدين اي الي جاابك اصلا هنا ، لولا انك صاحبي كنت خليت الالتراس يظبطوك دلوقتي...... )


محمد : (هههه هتقولهم اي يعني؟؟؟)


باسل: (دخــــــــيـــــــل بيغلط ف ابو ترررررررررررريكة.........
وهتشوف هيحصلك اي؟؟ والا اقولك هقولهم دخيل بيأيد المجلس العسكري!!)


محمد : (ليك حق يا عم ماانتوا خلاص بقي ليكم موقف سياسي
 ونقلتوا مقركم ف التحرير من ايام موقعة الجمل  !!)


باسل : ( ااه وانتواكمان كان ليكم موقف بس تبع  باباحسني وماما سوزاان
،ياخي انا مش عاارف انتوا ازاي سيبتوا التوأم يأيدوا النظام القديم...!!)


محمد: (ههههه يعني انت شايفهم كملوا ف النادي؟؟....رحلوا مع النظام ..
.وبعدين انا فلّ يا عم فيه حااجة.!! ..... سيبناالك الثورة والشتيمة فالمجلس العسكري يا عم...اما نشوف هيحصل اي؟؟؟ ياريت بس  متتعلقووش من رقبيكم !!) J



باسل : ( يا حونين!! متقلقش يا عمنا لم يتخطخ فينا بالرشاشات  متجيش تسلك ، يلاياعم خلينا نرجع انا ابويا ماسكلي الساعة.....يادوب نرجع القاهرة الليلة.)



ـــــــــــــــــــــــــــــــــــــــــــــ
مايذكره بعد ذلك الهجوم عليهم من كل مكان
ضربات ، عشوائية وممنهجة في الان ذاته...
اسلحة لاتدري كيف دخلت من بوابة الاستاد ؟؟
الامن لا يفعل شيئا علي الاطلاق ،
 الا قلة تقوم بتصوير ما يحدث في ارض الاستاد....
الجثث تلقي من كل مكان....البعض يقتله من أتوا من مدرجات النادي المصري....
والبعض يقتله التدافع للخروج من هذا الجحيم!!


توجه محمد وباسل نحو الباب الخلفي للخرووج والمخصص لخروج جمهور النادي الاهلي....ليجدوه مغلقا..!!
اصبحوا الان محاصرين..
."الباب الملحوم خلفهم" و "وجماهير المصراوية امامهم".......!!


في هذه اللحظة تلقي محمد ضربة اسقطته ارضا...وفقد الوعي لدقائق ،
لا يذكر بعد ذلك سوي باسل مغشي عليه...وملقي علي الارض غارقا في دماؤه ،  !!


 ينتهي الفيلم....لبشاعة السيناريو... وسوء الاخرااج....وهروب المؤلف!!

ليجد محمد نفسه قد وصل الي منزله....بعد ان جلس قليلا وتحدث مع اسرته...اتصل بمنزل باسل ليطمئن علي"عم امين " والد باسل ...ليجيبه عم اسحاق ويقول له ان عم امين بخير ، وسيسافر الليلة الي بورسعيد..!!


يحاول محمد النوم قليلا لانه سيسافر هوالاخر غدا فلا يستطيع لن يترك عائلة باسل في هذا الموقف بمفردهم....وما ان يغمض عيناه حتي يرن جرس الهااتف!!

خالد : اي يا محمد انت فين يا بني بكلمك من امبارح ؟؟كنت فين!!

محمد : كنت ف ماتش الاهلي وبورسعيد...

خالد : اهلي؟؟؟ يابني مش انت زملكاوي؟؟

محمد : مانا روحت مع باسل اخو كريم....

والده اتصل بيا علشان ميروحش لوحده بورسعيد..

خالد : وهو فين اوعي يكون حصلكم حاجة ف الماتش؟!

محمد : باسل ف المستشفي ف غيبوبة ..ربنا يستر عليه

خالد : ايه؟؟ اي الي حصل؟؟الشرطه بردوا الي اصابوا!!

محمد : لاء المرة دي كانوا بيتفرجوا علينا واحنا  بنموت..
 تعالي معايا بكرة المستشفي ف بورسعيد ، اهل كريم كلهم هناك..

خالد : دة اكيد بس انت فاكر"رامي" صاحبك م عالفيس؟؟؟

محمد :  اه....ماله رامي؟؟  اوووبا دة فرحة بكرة ...كنت نااسي..خلاص احنا نطلع علي بورسعيد..وبعدين نشد ع السويس نحضر الفرح ونرجع تاني لاهل باسل!!

خالد: هو احنا هنروح السويس فعلا...........
لكن علشان نعزي ف رامي.....

محمد : مين الي مات عند رامي!!
خالد :رامي نفسه يا محمد...


يتبع,,,,,

1 التعليقات:

arab girlscool يقول...
أزال أحد مشرفي المدونة هذا التعليق.

إرسال تعليق