الاثنين، 30 يناير، 2012

ريشة !!






تعرفوا !!




انا نفسي اكون ريـشـة

ونفسي اركب جناحــات

ونفسي عمري الجــاى 

يكون اجمل م الي فــات!



نفسي ابطل اكتب قصيدة

وابـكـى ف اخـرهـا!!



او اشوف فـمـرة حد يـشـبـهـنـي..

فأفـتـكرها...!!


نفسي ارجع تاني زي ماكنت

من سـنـتـيـن!!



افرح...ابكي...واموت م الحنين!!

انسان...عايش بيقاوم الانـيـن



نفسي ارجـــع انـــا...

او اكون ريشة ....وأطـيـــر!!






المدونة

الأحد، 29 يناير، 2012

"برواز"







"برواز"




أمر من امامه يوميا ،
 كثيرا لا اكترث له..
بل لا اذكر وجوده اصلا!!




لا اعرف هناك شئ مميز فيه هذة المرة
يرااني يوميا هو الاخر...
لكنه اكثر مني اهتمام...
مازال متسمك بالمكان..
وكأنه اكثر ايمانا بي مني!!


برواز..
يحمل تلك الرائحة التي تذكرك بشئ ما ف الذاكرة..
لكنك لا تدري ما هو  !!!


اكثر من اي يوم اريد انظر اليه بشدة...
ان اسمعه يتحدث....
ربما فهمته هذه المرة!!!




برواز....
يحمل معني الصمود والاصرار....والوفااء
 يصبر علي ما يعلق به من اتربة...
يحفظ ما تريد بين اربع جدران !!!


يصبر...رغم حبسة بين ذات الاربع اركان!!!




برواز..


اذا سقط لن يعود كماكان ابـــــــــدااا
فلا تكسروا كرامة "الـبرواز"






"المدونة"

الأحد، 1 يناير، 2012

طبيب نفسي!!!!




احم احم..

بعدالسلام والتحية...

وربنايجعل كلامنا خفيف عليهم..

عارفين اقصد مين؟؟! ــــــــــــ "ايموشن مبلم"

زى النهاردة من حوالي خمناشر يوم..
قرات مقال عن اهمية الطب النفسى.
.
وازاى ان ممكن مشكلة صغنتوتة "قد كدة هون"..
تفضل تكبر تكبر تكبر....لحد ما تبقي عقدة نفسية كبيرة جداا
وهوووووووووووووب...
تفرقع ف وشك....بووووووووووم

وطبعا مشكلة ع مشكلة ع مشكلة
تساوي....اكتئاااب
تاتاتاااااا

وهنا بيجي دور الطب النفسي..
بس الفكرة الي عندنا ك عرب اننا بنشوف ان الي يروح لطبيب نفسي دة بيكون خلاص عقله  "فلسع"

مع ان الطبيعي ان الامراض النفسية
امراض زيها زي اي مرض
محتاجة لطب وعلاج!!!


بس دى مش المشكلة دلوقتي...
المشكلة اني اشفق ع الطبيب النفسى...
وساعات بحس انه بطل......Hero يعني..
لانه هيتعامل مع تراكمات سنين..
من يأس وفشل واحباط وعته....
وقلق وخذلان...
ومعاهم حبة البركة....

والمشكلة الاكبر انه المفروض يفك العقد دى كلها!!!

مش بقلكم....Hero!!

لكن بعيدا عن المصطلحات الطبية المعقدة..
لازم يكون جوة كل واحد فينا استعداد للحياة...

يعني مش معني ان حصلتلك مشكلة يبقي خلاص....الدنيا خربت.
مش معني ان حد معين طلع (.....)يبقي خلاص...كل الناس كدابين
مش معني انك ف كلية مش عاوزها.....يبقي خلاص... تفشل فيها
والامثلة كتير...

اقولكم ع حااجة؟!
تعرفوا لو استسلمتوا لليأس...
مش هيحصل حاجة للدنيا..
كل الي هيحصل انك هتكون مجرد رقم...
بنى ادم ..عاش ومات!
مجبش جديد يعني!!!

محدش هيفتكرك اما تموت...
لاهتقصف الرعود...ولا هيسقط المطر

علشان كدة لو واجهتك اي مشكلة وعملتلك..
"كلكوعه نفساوية قد كدهوووون"..
قوم واقف ع رجليك من تاانى...

قول بقلبك قبل لساانك..انا حااسس ان ربنا معايا

والله والله والله...
.لماهتقولها بقلبك وتصدقها بعقلك هتحس وتتأكد انها حقيقة..((:
وهتلاقيها مواقف بتترجم ف حياتك الجديدة!

خليك دكتورنفسك...النفسااوي
ذاكر المقرر...
وخد العلاج..."الجرعات الايمانية "
واوعي تفشل ف الاختبار "الصبر ع الشدائد"..


واؤمن ان :
"مااصابنى لم يكن ليخطأني وما أخطأنى لم يكن ليصيبني"
لان امر المؤمن كله خير...

ومتبصش للمااضي سيب ف مضيه!!
وزي مبيقولوا:
The hardest part about moving forward is not looking back "!
.....

وطول ما أحناعايشين ياماهنشووف ونقاابل...

واكيد الي جااي احلي!!!

واكيييد في لحظات وايام وسنين جاايةحلوة اووووي
لسة معيشناهاش


دة مش تفاؤل اعمى...
دة بس(حسن ظن بالله)...



المدونة