السبت، 10 ديسمبر، 2011

سعيد ووهيبة




سعيد و وهيبة
ــــــــــــــــــــــــ
فيلم ومحفوظ
سيناريو ومرسوم
لاشكل
ولا طعم
ولا لون
سعيد بيضحى لاجل وهيبة
ووهيبة بتقوله:
مبروك "الدبلون"
****
الاتنين أغبيا
لبسوا القناع
وسابوا الشراع
لدنيا شبه الاندية
ده بيلعب هناك
ودي بتلعب هنا
ونسيوا الى فات
والي بينهم مات
والحب الي بينهم
أصبح ذكريات
مفضلش ليهم
غير شوية اسئلة
والدنيا صبحت
سودة مقفلة
طب ليه يا وهيبة
ما سمعتي الكلام
ما يكفي تعب قلبك
ده والله حراام
وسكتت وهيبة
لان سعيد قفل البيبان
وخلص الكلام
وفات الزمان
ولمااتقابلوا صدفة
قالتله:
أنا كنت غبية..
لاني عرفت..
أغبي الاغبيا




مدونة اول الخط


0 التعليقات:

إرسال تعليق