السبت، 6 أغسطس، 2011

يومـــــــــــــــــــــــــــيـــــــــــــــــــــــــــــــات مـــــــــــــــــــــــنـــــــــــــــــدس "3"

 "5اوض .... والتشطيب عليهم "

 العنوان غريب مش كدة؟؟؟

  في الفترة الاولي من ايام الثورة المصرية "25 يناير" كنت بسمع كتير في برامج التوك شو عن المجلس الرئاسي...وبعد كدة  دخلنا في موضوع الاستفتاء والدستوروسقوط دستور 71 بسقوط النظام...والمتاهة الي كلنا دخلناها ومعرفناش نخرج منها الي الان...والي قسمت القوي السياسية الي فرق لايوجد بينها اي اتفاق...وشوية لقينا الحركة دي عميلة والشباب مندسين....واحتمال شوية كمان نلاقي الشعب المصري مدرب علي الثورة في اسرائيل.....
المهم...في الفترة دي ظهرت فكرة "المجلس الرئاسي"....يعني اي بقي مجلس رئاسي ؟؟؟؟
المجلس الرئاسي :: هومجموعة من الشخصيات تدير شئون البلاد لمدة معينة والشخصيات دي يكون عليها توافق مجتمعي...وطبعاالشخصيات دي لازم تكون متميزة..كل في مجاله...
طبعا الفكرة دي صوتها مكنش عالي اووي ايام الثورة الاولي وكان كل الناس..من اعلاميين  وسياسيين...وائتلافات  وحركات واحزاب... عمالة تكلم عن المجلس العسكري ووطنية المجلس العسكري...وانحياز المجلس العسكري للثورة.
والوضع طبعا اتغيرجداا بعد مجموعة من المواقف التي قام بهاالمجلس العسكري.. ،وعلت مرةاخري فكرة المجلس الرئاسي...
اي بقي مشكلةالمجلس الرئاسي ؟؟؟؟

مشكلةالمجلس الرئاسي انه تقدرتقول مفيش شخصية متفق عليهاالجميع اونسبة كبيرةمن الشعب ، يعني لواخترت الشخصية مثلا عالم..هتلاقي الي يقولك ودةاي علاقتة بالسياسة  ،ولو اخترتة سياسي..هيقولك دةبيعمل لدي تواجهات معينة ...ولواخترتة ينتمي لحزب او حركة هيقولك  الجيش بيأيد فلان...ولو اخترتة سلفي اويتبع اي تيارديني يقولك البلد هيكون فيهاالحكم الثيولوجي ....وهتلاقي الي بيقول حالا اي الحكم الثيولوجي دة...
المشكلة ان كل واحد  بيفتكر ان هو الصح ومفيش اي حد عنده استعداد يسمع للاخر...حتي السياسيين الي بينادوا بالحوار الوطني

انا مش ضد فكرةالمجلس الرئاسي في حد ذاتها ... بس حد يقدريقولي هتتنفذ ازاي؟؟؟؟
وزيي زي اي مصري قرارات المجلس العسكري كتيربتفكرني بالنظام السابق والمنطق الابوي في التعامل وفكر " اسكت  انا اكبرمنك وفاهم"...
طبعا الوضع في مصر وصل دلوقتي الي حالة جعلت الجميع بيقول.... يارب نوصل للانتخابات في سلام.....
يحدث فقط في مصر.....اذا اختلفت مع اي شخص في الفكر فانت......خاين...مندس....عميل.....اجندة....فلول....اخوان....سلفي.....او حزب الكنبة


وبعد كدة تقولولي مجلس رئاسي....طيب ازااااااااااااي؟؟




معلش طولت عليكم....ياريت مكنش دايقتكم.....وتصبحوا علي خيييييييييير
 



1 التعليقات:

مصراوي يقول...

في الاول افتكرتك بتتكلم عن سوريا عشان يوميات مندس يعني....انت نهيت المقال حلوجدا

إرسال تعليق