الاثنين، 1 أغسطس، 2011

يومـــــــــــــــــــــــــــيـــــــــــــــــــــــــــــــات مـــــــــــــــــــــــنـــــــــــــــــدس "1"

" مـــــــــــعاك  اجــــــنـــــــدة "
الاجندة......اااااااااه وما أدراك ما الاجندة....
ان الاجندة هي جزء لا يتجزأ من تاريخ الانسان المصري علي مر حياتة ،، فهي تمثل حلقات منتظمة   في دوزنات الوهم المموج  في طلاسم الشعور الاارادي الانفعالي المستقيم...........(( حد فاهم حاجة؟؟؟؟)).....
 اهو هيا دي بالظبط الاجندة..... مصطلح  من مصطلحات كتيييير جدا ...كان اهمها هو رعب المواطن المصري وتخوينة لو فكر بس انة يتكلم في اشياء  تخص  بلدة.....زي مصطلحات - د ةبيعمل لحساب اجندة خارجية، يهدف الي زعزعة الاستقرار والامن القومي- والكلام الي كلنا عارفينة طبعا.....وتقدروا تقولوا ان 80% من الشعب يعرف المصطلحات دي....
و تعالوا نستعرض تاريخ "الاجندة" في شنطة كل واحد فينا...اقصد في حياة كل واحد فينا....ولهذا قررت ان اسل العلماء كي اصل الي اصل الكلمة  وبعد فحص دقيق للشخصيات المختصة سألنا العلامة والفقيه التاريخي الاستاذ الدكتور// ابو ركبة::

المذيع: الاستاذ الدكتور ابو ركبة :ممكن حضرتك تقولنا ما معني كلمة  الاجندة؟؟؟؟

العلامة :لقد كثر اللغط في الفترة الاخيرة حول مصطلح الاجندة ودرءا للمفاسد التي تحدث نظرا للفهم الخاطئ لهذه الكلمة الهامة احب اقول ان كلمة"الاجندة" سمعناها كثيرا قبل وبعد 25 يناير وبما انك مواطن مندس زيي تمام  هقولك اني بحثت كثيرا عن تاريخ الاجندة مع المصريين....ووجدت التالي ::
بداية كل منا لديه اجندة ، في المدرسة والثانوية والكلية وغيرها من المراحل التعليمية "المهلبية" ، ولكن الاجندة المقصودة هنا هي الاجندة  السياسية فكل معارض في زمن مبارك  لديه اجندة خارجية  ويعمل لدي سياسات ( اسرائيلية  امريكية ايرانية كوريا الشمالية ) ولعل من ابرز حسنات وانجازات هذا النظام انه وضع نقطة التقاء لهؤلاء الاعداء الثلاثة....
 المذيع : وماهو معني هذا المصطلح بعد 25 يناير؟؟؟؟
العلامة : بعد الثورة كل واحد  من حقة يقول راية ويعبرعنة بمنتهي الصراحة عشان  دي حرية الراي الي من حق كل مواطن مفيش تخوين مفيش كنتاكي من النهاااااااردة كلنا مصرييييينن..............................يقاطع  حديث العلامة البيان 69 للمجلس العسكري


""هناك بعض الحركات التي تعمل لدي توجهات واجندات خارجية تضر بمصلحة الوطن""........................؟؟؟؟؟؟




----تعم لحظة احباط علي الجميع.....المستمعين والمشاهدين-------- ويقول العلامة "فليرحم الله شهدائنا من الشباب فلو علموا ما سيحدث لما استشهدوا في سبيل هذا البلد"..........




المشكلة مش في البيان69 ولا في تصريحات اللواء الرويني...عارفين المشكلةفين؟؟؟
اننا نرجع زي الاول نصدق اي حاجة تتقال وخلاص طبعا عشان كلنا بنخافعلي البلد دي اووووووووي 
انا مش من حركة 6 ابريل ولا من كفاية ولا ليا اي انتماء حزبي ...بس اما لقيت انناعمالين نتفرق لاتجاهات كثيرة افتكرت حكاية  الشيخ الي جمع ولادة قبل مايموت وقالهم اكسروا حزمة الحطب دي  فكلهم معرفوش بس لما كل واحد خد عود لوحدة كسرة.....تفتكرة احنا وصلنا للمرحلة دي؟؟.........احنا نقدر نقول ان الثورة قامت بطلوع الروح....فبلاش تفشل احسن  لو حصل كدة فعلا ....هتروح كل روح


معلش طولت عليكم.......ياريت مكنش دايقتكم.........وتصبحوا علي خير

0 التعليقات:

إرسال تعليق